Editorial

Ina nova fasa dal curs annual da la scolaziun da magisters va a fin: Durant la pausa da stad han futurs magisters da linguas absolvì lur dimoras e pratica a l’exteriur. En il rom da las dimoras en la Svizra dal vest u a l’exteriur cuntanschan ils scolasts puncts culminants da lur acquist da la lingua estra. Questas experientschas lubeschan ad els da s’avischinar a las cumpetenzas ch’els ston cuntanscher cun la conclusiun da lur scolaziun. La finala pretendan las scolas autas da pedagogia actualmain in livel C1 per il livel primar e C2 per il livel secundar.
La dumonda da las cumpetenzas ch’èn da cuntanscher èn in grond punct dispitaivel che vegn adina puspè umbrivà da la pitschna rata da success, essend che las finamiras per cuntanscher in nivel C1 e C2 èn pulit differentas.
Tuttina smirveglian ins adina puspè sch’ ins visita in classa franzosa, nua ch’ina praticanta u in praticant da lingua tudestga instruescha franzos sco lingua matern, fisica e matematica che las cumpetenzas linguisticas na smesan strusch la qualitad da l’instrucziun. Da l’autra vart para la cumparegliaziun cun l’instrucziun da tudestg – l’emprima lingua per ils emprendiders e l’emprima lingua per la persuna ch’instruescha – main interessanta dal punct da vista didactic. 
Sin basa d’elevaziuns da datas tar praticants en il praticum da lingua estra en il rom d’in project da perscrutaziun da Regula Stiefel-Amans e Christine Greder-Specht a la Scol’auta da pedagogia da Schaffusa (Performanzorientierte Evaluation eines Sprachaufenthaltes) èn vegnids intercurids differents aspects, uschia er la dumonda da l’impegn da las cumpetenzas linguisticas per il livel da qualitad da l’instrucziun da la lingua estra en la scola primara. Er ina nova perscrutaziun da Florine Engli e Werner Wickli a la PHZ Lucerna vegn fatga davart quest aspect. Questa problematica da las pretensiuns da las cumpetenzas linguisticas areguard las cumpetenzas didacticas na vegn betg adina resguardada en la scolaziun ed inditgescha in punct flaivel: D’ina vart ston ils students cuntanscher certificats internaziunals per lur cumpetenza linguistica e da l’autra vart ston els arrivar a livels didactics che vegnan definids autramain da mintga instituziun da scolaziun, senza ch’i dess puncts d’intersecziun.
Essend che l’armonisaziun dals standards da scolaziuns da la scolaziun da magisters represchenta in tema impurtant, sa pona questa dumonda davart la responsabladad entaifer la scolaziun da scolasts a moda pli virulenta che mai. I dat pliras modas da realisaziun senza tschentar pli bassas pretensiuns u da desister da certificats internaziunals. Malgrà ch’i na dat actualmain naginas respostas concretas, sto questa tematica vegnida sin maisa ussa. Per quest motiv vegnin nus er pli tard a returnar tar questa dumondas. (Sonia Rezgui)