Statuts de la fundaziun

Art. 1 Constituziun e num da la fundaziun
I vegn constitui ina fundaziun numnada "Fundaziun Linguatgs e Culturas"

Art. 2 Finamira da la fundaziun
La fundaziun ha sco finamira da promover il mantegniment e la derasaziun dals linguatgs e da las culturas ch'ella represchenta e d'encuraschar d'emprender ils linguatgs. Per cuntanscher quests scopos s'engascha la fundaziun:
- sco editura d'ina revista speziala per l'instrucziun linguistica, cunzunt per l'instrucziun da linguatgs esters;
- per promover e sustegnair iniziativas che favorischeschan e megliereschan las conuschientschas reciprocas dals linguatgs e da las culturas en Svizra;
- per promover e sustegnair la retschertga sin ils champs da la pedagogia e da la didactica dals linguatgs, da la psicolinguistica applitgada e da la sociolinguistica;
- per promover la scolaziun cuntinuada da las magistras e dals magisters da linguatg ed il dialog e la collavuraziun tranter retschertgaders ed instruiders.

Art. 3 Chapital da fundaziun
Il chapital da fundaziun sa cumpona da
a) contribuziuns libras da persunas singulas u d'instituziuns
b) subscripziuns publicas
c) subsidis d'instituziuns publicas e privatas
d) material da documentaziun

Art. 4 Sedia e durada da la fundaziun
La fundaziun ha sia sedia al Centro seminariale Monte Verità ad Ascona.
L'adressa uffiziala da la fundaziun è quella dal secretari en uffizi. La durada da la fundaziun è nunlimitada.

Art. 5 Organs da la fundaziun
Ils organs da la fundaziun in
a) il cussegl da fundaziun
b) il post da revisiun

Art. 6 Il cussegl da fundaziun
Il cussegl da fundaziun sa cumpona da 5 enfin 15 commembers. Almain 2 commembers da la redacziun da la revista duain far part dal cussegl da fundaziun. Ils quatter linguatgs naziunals ston esser represchentads en il cussegl.
Il cussegl da fundaziun numna en ses mez il president, il secretari ed il cassier. Els restan en uffizi 3 onns ed in reelegibels.
Il cussegl da fundaziun vegn convocà per regla ina giada l'onn dal president u dal secretari, u sin giavisch d'almain dus commembers.
Las resoluziuns dal cussegl da fundaziun vegnan pridas cun la maioritad absoluta dals commembers.
Mintga commember po, da cas en cas, autorisar in auter commember dal cussegl d'al represchentar, sch'el na po betg assister a las reuniuns. Il dumber da participants a las reuniuns dal cussegl da fundaziun (commembers preschents e quels represchentats) sto cuntanscher almain il pli absolut dals commembers dal cussegl.
En cas da paritad da las vuschs ha il president la vusch da tagl.

Art. 7 Cumpetenzas dal cussegl da fundaziun
Il cussegl da fundaziun
a) prenda tut las mesiras necessarias per segirar l'existenza da la fundaziun e per cuntanscher sias finamiras,
b) administrescha il capital da la fundaziun tenor las normas legalas,
c) decida davart eventualas contribuziuns da caracter general u particular betg previsas en art. 3,
d) procura la finanziaziun regulara da las expensas necessarias per cuntanscher l'intent da la fundaziun tenor art. 2 e decida eventuals pajaments da spesas als commembers da la fundaziun,
e) constituescha in comità da padrunadi, fixescha ses reglament e prova d'acquistar la commembranza d'instituziuns publicas e privatas e da persunalitads ord circuls culturals, politics, economics etc.,
f) elegia ils commembers da redacziun da la revista, fixescha il reglament da redacziun, suenter avair consultà ils redacturs e garantç la libertad scientifica,
g) po crear in center da documentaziun, sche quel serva a cuntanscher las finamiras da la fundaziun,
h) scriva il rapport annual ed il quint annual, l'emprima giada per ils 31 da december,
i) stabilescha e modifitgescha il reglament da la fundaziun,
l) represchenta la fundaziun envers l'exteriur cun la signatura collectiva dal president e dal secretari u d'in da quels dus ed il cassier.
Il cussegl da fundaziun dispona definitivamain dal capital da fundaziun e po constituir in fond da reserva e decider co che quel duai vegnir utilisà.

Art. 8 Post da revisiun
Il post da revisiun sa cumpona d'in commember da la fundaziun che na fa part dal cussegl da fundaziun e che vegn tschernç da quel. Sia obligaziun è da controllar ils quints tenor art. 727 ff. DO.

Art. 9 Secretari e cassier
Il secretari scriva il protocol da las sedutas dal cussegl da fundaziun. El exequescha las lavurs administrativas, archivescha las actas e sa fatschenta da la documentaziun.
Il cassier ha las cumpetenzas e la responsabladad tenor art. 957 ff. DO.

Art. 10 Demissiuns
Las demissiuns sco commember dal cussegl da fundaziun in da trametter en scrit, cun in preavis da trais mais, al president dal cussegl da fundaziun.

Art. 11 Reconstituziun dal cussegl da fundaziun
En cas da mort u da demissiun d'in u plirs commembers elegia il cussegl da fundaziun aifer dus mais ils novs commembers.

Art. 12 Dissoluziun da la fundaziun
En cas d'ina dissoluziun vegn il capital da fundaziun reparti entiramain a favur d'instituziuns u fundaziuns cun finamiras sumegliantas. Il cussegl da fundaziun decida cun ina maioritad da dus terzs.

Art. 13 Publicaziun uffiziala
L'organ da publicaziun è il fegl uffizial dal chantun da sedia.
Art. 14 Il statut preschent è vegni approvò ils 16.4.1993